petit pain بالمرقاز من مطبخي بالخطوات المصورة

الوصفة للامانة شفتها في احد المنتديات لكن داروها حلوة عجبتني الطريقة والعجينة بصح انا درتها مالحة وجات هايلة

المقادير
رطل فرينة =500 غ
ملعقة كبيرة خميرة الخبز
م ك سكر
2 م ك زبدة ذائبة
بيضة
ملح
ماء دافئ للعجن

للتوريق
300غ زبدة طرية وتقريبا ذائبة

للحشو
مرقاز او لحم مرحي او دجاج او حتى فرماج
حسب الذوق والرغبة

التحضير
خلطي كل المكونات واعجني بماء دافئ حتى تتحصلي على عجينة طرية ومتماسكة



خليها ترتاح 5 د واقسميها كرات صغار 9 الى 10 كرات
خليهم يرتاحو 10 دقائق



ابداي حلي بالوحدة بيدك فقط والصور توضح اكثر



حطي ملعقة من الزبدة فوق القرصة



طبقيها كيما المسمن العادي









الى ان تنتهي من كل الكمية



عاودي حلي المسمنة نتاعك الاولى على شكل مربع
اقسميها على زوج تتحصلي على مستطيلين
حطي الحشوة



ورولي الحبة نتاعك

حطيهم في بلاتو مدهون بالزيت وادهنيهم بصفار البيض مع شوية حليب ورشيهم بالسينوج او الجلجلان



خليهم يخمروا مدة نصف ساعة الى 45 د حسب حرارة المكان والجو
دخليهم الى فرن مسخن مسبقا على 180 درجة حتى يطيبوا وحمري الوجه



وهذه من الداخل اممممممممم



ملاحظة
* ممكن لاحظتم ان العجينة ما خليناهش تخمر في البداية يعني تخمارها غير مع الاخير لهذا ما تديش الوقت في تحضيرها

*اذا حبيتي تعمليها sucree ديري 5 م ك سكر ونقصي كمية الملح

جربوها واكيد راح تعجبكم*