vendredi 1 juin 2012

البوريك السوري من مطبخي وبصوري

لما نتفرج المسلسلات السورية نلقاهم دايما يهدروا على البورك
قلت نشوفها واش هي وكيفاه يخدموها
جربتها البارح وجات هايلة وما تتشبعش

المقادير
4 كيلات فرينة
1/2 كيلة زيت
ملعقة صغيرة خميرة الخبز
ملح
ملعقة صغيرة سكر
نشا
ماء دافئ للعجن

الحشو
بصلة مقطعة مربعات صغار
لحم مفروم
ملح وبهارات
جزر مقطع مربعات صغار ومقلي
جبن
والحشوة تقدري تغيري فيها على حسب ذوقك

التحضير
حطي كل المقادير ماعدا النشا واعجنيهم حتى تتحصلي على عجينة طرية ومتماسكة



غطيها وخليها ترتاح مدة 1/4 ساعة
اقسميها كرات متوسطة الحجم وحلي كل كرة وحدها



رشي عليها النشا بكمية وفيرة



ولوي العجينة حتى يتشكل عندك حربوش



قطعيه حلقات بسمك 2 الى 3 سم



بعدما تخلصي كل الكمية اللي عندك عاودي حلي كل حلقة بالطول وحطي الحشوة على الجانب



واغلقيها كيما الصامصة مثلثات





ادهني بصفار البيض مع شوية حليب ورشي عليهم السينوج دخليهم الى الفرن 180 درجة حتى يطيبوا ويتحمروا





زوووووووووووووم



تقدري ديري اشكال اخرى



الوصفة جدا هايلة ومقرمشة وخفيفة
تصلح ايضا للحلويات
اتمنى انها تعجبكم

Aucun commentaire:

Enregistrer un commentaire