vendredi 1 juin 2012

مسمنات الخميرة ولا العجينة المورقة

هذه الخميرة مميزة تجي خفيفة ومقرمشة وساهلة في خدمتها
للامانة الوصفة من يدين اختي ربي يخليها

مقادير العجينة
دقيق
ملح
خميرة الخبز
ماء دافئ للعجن

مقادير الحشو
سمن او زبدة او مارغارين طرية بالسمن تجي احسن وكل واحد وذوقه
فرماج
زيتون

التحضير




حلي القرصة تكون رقيقة شوية
ادهنيها بالسمن



وحطي عليها الفرماج قطع صغيرة والزيتون مقطع دوائر



لفيها كيما البيسكوي رولي



اقفليها مليح باش ما تخرجش الحشوة وما تتفتحش



وعاودي لميها بطريقة عصر الملابس



وضميها حتى تولي لوزة عادية



خليها تتحط وعاودي حليها برفق
خليها ترتاح مدة 15 دقيقة ولوحيها في الطاجين




لما تطيب دوريها على الوجه الثاني




وتقدم ساخنة مع اللبن او حسب ذوقك



وهذه من الداخل مورقة ورقيقة ومقرمشة
هايلة



ملاحظة
تقدري تستغناي على الفرماج والزيتون وديريها غير بالسمن وتجي هايلة



اتمنى انها تعجبكم وتجربوها
واكيد ماراحش تندموا

Aucun commentaire:

Enregistrer un commentaire