مقلي طماطم وفلفل

ثوم مقطعة + زيت +  قلقل حار صغير + طماطم مرابية + ملح
حطيهم على النار حتى تعقد وتقدم

بطاطا في الفور

شرشمي البطاطا وقشريها وقطعيها دوائر سميكة
ديريلها شوية زيت في بلاتو نتاع الفرن شوية ثوم  
وحمريها 

باذنجان مشرمل

قطعي الباذنجان دوائر واقليه

في مقلاة حطي طماطم مرحية وثوم وملح وزيت خليها حتى تعقد شوية حطي عليها الباذنجان وخلييهم على النار شوية وطفي
وشهية طيبة

قراتان جلبانة

 قراتان جلبانة

 

قلي الثوم مع زبدة وشوية زيت ودجاج وملح وبهارات حسب الرغبة حطي عليهم الجلبانة وخليها تتقلى معاهم
امرقي بكاس ماء واقفلي الكوكوط نتاعك
كي تطيب الجلبانة ديريها في بلاتو الفرن
كسري عضمات حسب الرغبة وحطي معاهم حبة طماطم مرحية وبلا ما تخلطي صبيه على الجلبانة
والى الفرن حتى يتماسك وشهية طيبة

كمونية وبطاطا

كمونية وبطاطا

رولي الدجاج بالبيض بالخطوات المصورة

المقادير
500 غ لحم او دجاج او داند مفروم
بصلة مفرومة
ثوم
بهارات وملح
دبشة
بيضة مخفوقة
5 بيضات مشرشمين
بطاطا مقطعة دوائر تبليها بالثوم والبهارات وديريلها صوص بيضاء وحطيها في الفرن تطيب



التحضير
خلطي كل المكونات مع بعض ماعدا البيض المشرشم



حلي اللحم على كيس غذائي او كيس الشواء حليه وفرشيه
وحطي البيضات



لفي اللحم على البيض ورولي مع نزع الكيس البلاستيكي
عاودي لفي الرولي نتاعك بالكيس ولفيه بالالمنيوم وحطيه في بلاتو فيه الماء والى الفرن



كي يطيب نحيه وحمريه في شوية زيت



وقدميه مع بطاطا كوشة





وشهية طيبة للجميع

دوبارة

شخشوخة بسكرية

شخشوخة بسكرية

 

جاري وخبز الدار

جاري وخبز الدار
وسلاطة خيار

بربوشة

فوري نوار

صور ندى في عيد ميلادها السادس

خبيزات محشية بالدجاج والبصل والبشاميل من مطبخي

الوصفة مقتطفة من كتاب
المملحات
فطائر - بيتزا وطورطات
جربتها وكانت النتيجة رائعة

العجينة
500 غ فرينة
ملعقة صغيرة ملح
1/2 كاس حليب بودرة
ملعقة كبيرة سكر
1/2 كاس زبدة
3 بيضات
ملعقة كبيرة خميرة
ماء دافئ للعجن

الحشو
صدر دجاج مطهي
3 حبات بصل
صلصة البشاميل
جبن مبشور
زيت
ملح
فلفل اسود

التحضير
اخلطي مقادير العجينة مع بعض واعجني باضافة الماء الدافئ حتى تحصلي عجينة متماسكة وطرية غطيها واتركيها تختمر
اعجنيها مرة اخرى واتركيها تختمر
شكلي بعد ذلك كويرات صغيرة ادهنيها بصفار البيض واطهيها في الفرن


تحضير الحشوة
قطعي صدر الدجاج المطهي او المقلي قطع صغيرة
ذبلي البصل وحضري البيشاميل اضيفي الملح الفلفل الاسود والجبن المبشوراملئي الخبيزات بالخليط المتحصل عليه

وهاهي الصورة توضح

بريوش حلو جديد من مطبخي

وصفتي لكم اليوم وكالعادة من مطبخي
تتمثل فير
بريوش حلو
اخذت الوصفة من احد الكتب وعدلت فيها
والطريقة ايضا من اختراعي انا واختي
"يعني ما هيش من الكتاب"
صدقوني ان الطريقة هي السر في خفة البريوش وهشاشته

ونبدا على بركة الله

المقادير

250 غ فرينة
125 غ زبدة ذائبة وباردة
2 بيض
1/2 كاس حليب سائل
2 مغارف كبار سكر
رشة ملح
ملعقة كبيرة خميرة الخبز
نشاء للفرد

الحشوة
زبدة ذائبة او صومعة
جوز الهند
الزبيب
مكسرات مجروشة
وطبعا الحشوة حسب الذوق
عسيلة مخففة بماء الزهر / شاربات


التحضير
1/ ابدئي اولا باعداد الخمير
ضعي ربع الكمية من الفرينة في وعاء اضيفي الخميرة والحليب الدافئ, اخلطي جيدا واتركيها تختمر

2/ عندما يتضاعف حجم العجينة اضيفي السكر , البيض و الزبدة واخلطي جيدا

3/ اضيفي باقي الطحين دفعة واحدة وامزجي حتى تحصلي على عجينة متماسكة ومتجانسة

4/غطيها واتركيها تختمر في مكان دافئ

الان ناتي الى السر في هشاشة البريوش "صدقت روحي"

اعملي العجينة قرصات صغار بحجم حبة البيض

خذي اربع "4" قرصات
حليهم بواسطة النشاء واحدة فوق الاخرى وحليهم مستطيل بسمك 3 مم
ذرري النوادكوكو والزبيب والمكسرات المجروشة ولوي المستطيل على شكل حربوش طويل
وقصي دوائر "مثل البسكوي الملفوف" واقلبيهم في صينية واسقي كل حبة بملعقة من الزبدة الذائبة او الصومعة
وخليهم يختمروا مرة اخرى
ضعي الصينية بالفرن 180 درجة مدة 20 الى 25 دقيقة
يتحمروا من فوق ومن تحت بس على الخفيف
بعدما تنحيهم اسقي كل وحدة بملعة عسيلة مخففة بماء الزهر

وشهية طيبة




وهذي صورة طازة هذا وين خرجتهم من الفرن

بريوش محشي رائع وخفيف من مطبخي

مقادير هذه العجينة سمعتها في الاذاعة الجهوية لمدينة بسكرة

حصة الشيف ناصر
وصفة كرواسون محشي
موالفة نديرها على شكل كرواسون هذه المرة غيرت الشكل
جربوها اكيد راح تعجبكم

وللامانة اكثر حتى المقادير غيرت فيهم ما نقدرش ندير وصفة بدون تغييرات ههههههههه
المقادير
500 غ فرينة
2 بيضات وبياض بيضة
والصفار لدهن وجه الخبز
ملعقة كبيرة خميرة الخبز
150 غ (**دة ذايبة + زيت) نص بنص
ملح
ملعقة صغيرة سكر
ماء دافئ للعجن

الحشو
بصلة مقطعة جوانح
4 فصوص ثوم
جريوات مكرفجة
طون او لحم مرحي او.... اختياري
زيتون اخضر دوائر

طريقة التحضير
خلطي كل المقادير واعجني بالماء للحصول على عجينة طرية ومتماسكة
خليها تخمر

ذبلي البصلة في شوية زيت مع الجريوات والثوم
حتى يكتسبوا اللون الذهبي طفي عليهم واضيفي الطون

مراحل فتح العجينة هي نفسها الموجودة على هذا الرابط
بريوش بنين وخفيف

وهذه الصورة النهائية






العجينة اقل ما يقال عنها انها رائعة
بانتظار ارائكم وتعليقاتكم

حلوى النوتيلا والنستلي من مطبخي

حلوى رائعة شكلا ومذاقا ولكم الحكم

العجينة
250 غ زبدة طرية
125 غ سكر ناعم
2 بيض
رشة فانيليا
كيس خميرة كميائية
فرينة حسب العجينة

الحشو
نستلي طيبيه حتى يولي كراميل
شوكولا نوتيلا او اي نوع اخر

التزيين
مكسرات لوز كاجو جوز فستق او اختياري
فواكه جافة

التحضير
حضري العجينة بخلط المقادير مع بعضها حتى تتحصلي على عجينة مرملة صابلي شكلي كرات صغار وحطيها في لي مول نتاعك
طيبيهم على درجة حرارة متوسطة 160 درجة حتى يتبدل لونهم ويصبح ذهبي
خليهم يبردوا
احشيهم بملعقة صغيرة نستلي
حطي الشوكولا نوتيلا في لابوش واضغطي عليها فوق الحبة بشكل دائري حتى تغطيها كامل
زيني بحبات المكسرات وبنصف حبة من السيريز
وهذا شكلها

اتمنى انكم تجربوها وتعجبكم
ونشوف ارائكم

الرفيس من يدين ماما بالخطوات المصورة

الزيراوي طبق تقليدي مشهور خاصة في اعراس الشاوية

فحبيت نشارككم بيه

المقادير
سميد وياريت يكون من النوع المليح
ملح
شوية زيت
ماء للعجن
***
غرس
زبدة
شوية حليب سائل

للتزيين
مكسرات وسكر ناعم اختياري

التحضير
العجينة خلطي كل المقادير وشكلي عجينة كيما نتاع الرقاق عادي



طيبيها في الطاوة الخاصة بالرقاق وحاولي القرصة تكون رقيقة جدا



وهي سخونة خرجيها على الغربال الخاص بالزيراوي



وهذه النتيجة



في طنجرة ذوبي الزبدة والغرس مع شوية حليب



بعدما يذوب حطيه على الفتات اللي حصلتي عليه



وخلطي مليح بين كفي يديك عندك لا يحرقك الغرس على خاطر سخون



كي تخلصي عاودي خرجيه على الغربال الخاص مرة اخرى وهذه النتيجة



فوريه واسقيه بشوية زبدة حرة وممكن تضيفي شوية عسل حسب الذوق وزيني بالمكسرات



وممكن تزيني بسكر ناعم



ويقدم مع اللبن اممممممممممم





اتمنى انكم تجربوه ويعجبكم
بانتظار ارائكم